Бағдарламаның негізгі мақсаты қандай?

C5+O.N.E. бағдарламасы — Қазақстан, Қырғызстан, Тәжікстан, Түрікменстан және Өзбекстаннан мемлекеттік, жеке секторлар мен азаматтық қоғамның бастапқы және орта деңгейдегі мамандарына арналған ағылшын тілі бойынша өңірлік оқыту бастамасы. Бұл бағдарлама негізгі салалардағы — энергетика, экология және экономикадағы кәсіби дағдыларды дамытуға және өңірлік әрі халықаралық деңгейде өзара әрекеттесуді жақсартуға бағытталған.

Неліктен бағдарламаға қатысу тегін?

Бағдарлама АҚШ Елшілігінің Орталық Азиядағы адами капиталды дамыту бастамасы аясында қаржыландырылады. Бұл қатысушыларға қаржылық кедергісіз сапалы білім беру ресурстарына қол жеткізуге мүмкіндік береді, инклюзивтілік пен тең мүмкіндіктерді қамтамасыз етеді.

Бағдарламаға қатысу ұйымымызға және маған жеке қандай пайда әкеледі?

C5+O.N.E. бағдарламасы келесі артықшылықтарды ұсынады:

• Тілдік дағдыларды жақсарту: Қатысушылар ағылшын тілін тыңдау, сөйлеу, оқу және жазуды қамтитын 180 сағаттық қарқынды оқудан өтеді. Бағдарлама энергетика, экология және экономика сияқты салалардағы кәсіби міндеттерге бейімделген.

• Кәсіби байланыстарды дамыту (нетворкинг): Ұлттық және өңірлік іс-шараларға, вебинарларға және экскурсияларға (field trips) қатысу арқылы кәсіби байланыстарды кеңейтуге, тәжірибе алмасуға және ынтымақтастық орнатуға мүмкіндік береді.

• Ұйымға пайдасы: Қызметкерлер жобалар жасау мен келіссөздерде біліктілігін арттырады, бұл ең үздік тәжірибелерді енгізуге және ұйымның беделін нығайтуға ықпал етеді.

• Сізге жеке пайдасы: Тілдік дағдыларды жақсарту мансаптық жаңа мүмкіндіктер ашады, ал бағдарламаға қатысу АҚШ Елшілігінің бағдарламалары түлектері қауымдастығының бір бөлігі болуға мүмкіндік береді.

Бағдарламаға қатысу АҚШ Елшілігіне қандай құндылық әкеледі?

Сіздің ұйымыңыздың қатысуы қызметкерлердің кәсіби дағдыларын нығайтып, олардың халықаралық байланыстарын дамытуға ықпал етеді. АҚШ Елшілігі үшін бұл Орталық Азия мен АҚШ арасындағы тұрақты байланыстарды нығайта отырып, стратегиялық маңызды адами капиталды дамыту бастамасын қолдау болып табылады.

Бағдарламаға қандай ұйымдар қатыса алады?

Бағдарлама жабық болып табылады және тек АҚШ Елшілігі Қазақстанда номинациялаған ұйымдардың қызметкерлеріне арналған. Әдетте, бұл жеке компаниялар, ҮЕҰ, қауымдастықтар немесе Елшіліктің серіктестері болып табылатын мемлекеттік органдар. Номинацияланған ұйымдардың тізімін алғаннан кейін, біз олармен өзіміз байланысып, бағдарламаға қатыса алатын қызметкерлердің тізімін сұраймыз.

Ерекше жағдайларда біз Елшілікке бастапқыда ұсынылмаған қосымша ұйымдардың тізімін ұсынуымыз мүмкін. Дегенмен, оларды мақұлдау немесе бас тарту туралы түпкілікті шешім толығымен Елшілікке байланысты және біз оң нәтижеге кепілдік бере алмаймыз.

Бағдарламаға қатысу критерийлері:

• 24 пен 46 жас аралығында болу;

• Қазақстан Республикасының азаматы болу;

• ағылшын тілі деңгейі А2-ден жоғары (бастауыш/негізгі деңгейден жоғары);

• 9 ай бойы офлайн форматта оқуға дайын болу (әр үш ай сайын демалыс болады).

Бағдарлама аясында қандай оқу форматы ұсынылады?

Бағдарлама келесі бағыттарды қамтиды:

• Күндізгі сабақтар (бағдарламаның негізгі бөлігі): үш семестр каникулмен, жалпы ұзақтығы 9 ай,160 сағат;

• Актуалды тақырыптар бойынша онлайн-вебинарлар (10 сағат);

• Практикалық тілдік тәжірибе үшін экскурсиялар (компанияларға, мұражайларға, саябақтарға бару) (10 сағат);

• Білімді тереңдетіп, кәсіби байланыстарды кеңейту үшін ұлттық және өңірлік іс-шаралар;

• Тіл иелерімен және тұрақты даму саласындағы сарапшылармен кездесулер.

Күндізгі сабақтарға қатысу міндетті болып табылады. Онлайн-вебинарлар сияқты қосымша элементтер оқу мүмкіндіктерін кеңейтеді.

Неліктен жас шектеулері белгіленген?

Гранттық (тегін) кез келген бағдарлама сияқты, C5+O.N.E. бағдарламасы белгілі бір талаптарды сақтауды көздейді. Бағдарламаның мақсаттарына сәйкес 24–46 жас аралығы белгіленген, себебі ол бастапқы және орта деңгейдегі мамандардың тілдік және кәсіби дағдыларын дамытуға бағытталған. Бұл таңдау тәжірибесі бар және болашағы зор қатысушыларды тартуға мүмкіндік береді.

Туған күнді дұрыс көрсетпеу бағдарламаның ережелеріне қайшы келеді және өтінімнің қабылданбауына әкеледі. Барлық деректер қатысушының тіркелу кезінде тексеріледі, ал жеке құжаттарды (жеке куәлік немесе паспорт) қоса беру қажет.

Ағылшын тілімнің деңгейі А1-ден төмен болса, не істеуім керек?

Бағдарлама тек А2 деңгейінен бастап оқытуды қарастырады. Қатысушылардың бастапқы білімінің болуы шарт, себебі бағдарлама кәсіби дағдыларды дамытуға және халықаралық іс-шараларға қатысуға бағытталған.

Менің қаламда жеткілікті қатысушы жиналмаса, не болады?

Бұл жағдайда сіздің өтініміңіз келесі ағымға ауыстырылады. Сондай-ақ, біз бірнеше ұйымның қатысушыларын біріктіріп, топ құра аламыз.

AIS жүйесіне қашан тіркеліп, тестілеуден өте аламын?

Тіркелу қолжетімді болғаннан кейін, қатысушыларға сілтеме мен нұсқаулық электрондық пошта арқылы жіберіледі. Хаттардың жеткізілу мәселелерінен аулақ болу үшін жеке электрондық мекенжайларды көрсету сұралады (мысалы, Gmail). Тіркелуден өткеннен кейін тестілеуге қол жеткізе аласыз.

Біздің ұйымның бағдарламаға қатысуы мақұлданғаны туралы қашан біле аламыз?

Өтінімді қарау уақыты АҚШ Елшілігіне байланысты. Біз сізді немесе сіздің ұйымыңыздағы жауапты тұлғаны жауап түскен сәтте бірден хабардар етеміз.

Оқу процесі қалай ұйымдастырылады?

Тіркеу мен тестілеуден кейін:

• WhatsApp-та топтар құрылады, онда қатысушылар мен оқытушылар болады;

• Оқытушылар — ағылшын тілі бойынша арнайы тренингтерден өткен жергілікті кәсіби мамандар;

• Оқу материалдары тегін беріледі. Кейбір жағдайларда материалдарды жеткізу оқудың басталуынан кейін екі аптаға дейін созылуы мүмкін. Осындай сәт болған кезде біз уақытша шешім ретінде оқулықтардың қажетті тарауларын принтер арқылы басып шығарамыз немен онлайн-нұсқасын ұсынамыз.

Барлық қызметкерлер бір топта оқи ма?

Міндетті емес. Қызметкерлердің тіл деңгейі әртүрлі болуы мүмкін, сондықтан топтар тестілеу нәтижелері негізінде құрылады.

Сабақтар қай күндері және қай уақытта өтеді?

Сабақтар жұмыстан тыс уақытта (жұмыс күндері сағат 18:00-ден кейін немесе демалыс күндері) өткізіледі. Сабақ кестесі оқытушылармен және қатысушылармен келісіледі. Мысалы: дүйсенбі мен сәрсенбі 19:00–20:30, жұма 19:00–21:00. Аптасына жалпы 5 сағат сабақ өткізіледі.

Басқа осындай бағдарламалар туралы қалай білуге болады? 

Американдық халықаралық білім беру кеңестерінің жаңа бастамалары туралы ақпарат @americancouncilskazakhstan Instagram парақшасында жарияланады.

Мен қызығушылық танытқан әріптестерді тапсам, не істеуім керек? 

Ең алдымен, біздің байланыс деректеріміз арқылы ұйымыңыздың АҚШ Елшілігі тарапынан номинацияланғанын нақтылау қажет.

Барлық қызығушылық танытқан әріптестердің деректерін бір файлға жинап, оны WhatsApp (+7 701 785 0593) немесе amazhitova@americancouncils.org поштасына жіберіңіз. Біз деректерді тексеріп, нәтижелері туралы хабарлаймыз. Тізім үлгісін жоғарыда көрсетілген байланыс арқылы сұрауға болады.