FLEX Global бағдарламасы
FLEX Global-ды ашып, әлемді таны
FLEX Global — белгілі бір елдерден келген жоғары сынып жасындағы оқушыларға Америка Құрама Штаттарында бір оқу жылын өткізуге, қабылдаушы отбасымен бірге тұруға және АҚШ-тағы орта мектепте білім алуға мүмкіндік беретін бағдарлама. FLEX Global бағдарламасы 30 жылдан астам уақыт бойы жүзеге асырылып келе жатқан Future Leaders Exchange (FLEX) бағдарламасының және 25 жылға жуық уақыт бойы жұмыс істеп келе жатқан Kennedy-Lugar Youth Exchange and Study (YES) бағдарламасының мұрасына негізделген. FLEX Global бағдарламасының мақсаты — АҚШ мәдениеті мен басымдықтарын түсінетін әрі қолдайтын, кәсіпкерлік, технология және SI, сондай-ақ көшбасшылық салаларына ерекше назар аударатын жас көшбасшылар желісін қалыптастыру.
FLEX Global – қатысушылардың жетістіктері мен қабілеттеріне негізделген, іріктеуі өте қатаң халықаралық алмасу бағдарламасы. Бағдарлама АҚШ Мемлекеттік департаментінің Білім және мәдениет мәселелері жөніндегі бюросы тарапынан қаржыландырылып, басқарылып, Қазақстанда Халықаралық білім беру жөніндегі Американдық Кеңестер ұйымы арқылы жүзеге асырылады. Бағдарлама қатысушыларға АҚШ-та бір академиялық жыл өткізу мүмкіндігін ұсынады. Жеңізпаздар қабылдаушы отбасында тұрып, америкалық орта мектепте білім алады, қоғамдық іс-шараларға қатысады, көшбасшылық дағдыларын дамытады және бизнес, технологиялар мен кәсіпкерлікке бағытталған American Excellence бағдарламасы аясындағы дамыту шараларына қатысады. Жас көшбасшылар өз елдеріне жаңа білім мен дағдыларды меңгеріп оралады. Олар алған тәжірибесі мен білімін жергілікті қауымдастықтарының дамуына пайдаланып, АҚШ-пен ұзақ мерзімді серіктестік байланыстарды нығайтуға үлес қосады.
FLEX Global бағдарламасы жергілікті деңгейде АҚШ-тың мыңдаған азаматтары мен жергілікті орта мектептердің қолдауына ие. Олар оқушыларды қабылдап, білім беріп, жан-жақты қолдау көрсетеді және бұл қызметтері үшін ешқандай қаржылық өтемақы алмайды.
Бағдарламаның талаптары:
FLEX Global шәкіртақысының сайысы оқушылардың жеке жетістіктері мен талаптарға сай келетін қатысушыларға ашық және тегін.
Бағдарлама байланысы
flexglobal.kz@americancouncils.org
+7 727 291 9226