C5+O.N.E. бағдарламасы жаңа топты іске қосты«Экономикалық даму үшін ағылшын тілі»
2025 жылғы 29 мамырда C5+O.N.E. (Opening Networks through English) бағдарламасының аясында «Экономикалық даму үшін ағылшын тілі» атты төртінші топтың ресми ашылу салтанаты өтті. Орталық Азияның түкпір-түкпірінен 700-ден астам экономикалық даму саласындағы мамандар C5+O.N.E. бағдарламасы бойынша ағылшын тілін оқуға кірісті. Олар осы бағдарлама арқылы білім алған 1000-нан астам кәсіби мамандардың қатарына қосылды. Ашылу салтанатына мемлекеттік мекемелердің, үкіметтік емес ұйымдардың, бұқаралық ақпарат құралдарының және жеке сектордың өкілдері, Қырғыз Республикасы, Тәжікстан, Түрікменстан және Өзбекстандағы АҚШ елшілері, сондай-ақ АҚШ Мемлекеттік департаментінің және Американдық халықаралық білім беру кеңестерінің өкілдері қатысты.
C5+O.N.E. — бұл ағылшын тілі деңгейін арттыруға бағытталған трансформациялық бағдарлама. Сонымен қатар ол өңірлік ынтымақтастықты нығайтуға және АҚШ серіктестерімен экономикалық әрі кәсіби байланыстарды кеңейтуге ықпал етеді.
Тоғыз ай бойы қатысушылар оқу және факультативтік іс-шараларға, кәсіби байланыстарды кеңейтуге арналған ұлттық семинарларға және өңірлік конференцияға қатысады. Бұл іс-шаралар ағылшын тілін меңгеру деңгейін арттырып қана қоймай, сонымен бірге кәсіби байланыстарды дамытуға, өңірлік ынтымақтастықты нығайтуға және Орталық Азия мамандарын америкалық әріптестерімен тиімді өзара әрекеттесуге дайындауға бағытталған.
Қырғыз Республикасындағы АҚШ Елшісі, құрметті Лесли Вигери құттықтау сөзінде: «Бағдарлама аясында Орталық Азияның түкпір-түкпірінен келген, ауыл шаруашылығынан бастап банк және қаржы, IT стартаптар мен басқа да салалардағы жетекші экономикалық сарапшылар оқиды», – деп атап өтті. Ол сондай-ақ бағдарламаның қатысушыларға беретін мүмкіндіктерін де ерекше атап өтті: «Бағдарлама түлектері мансаптық өсуге қол жеткізді, халықаралық конференцияларда сөз сөйледі және өңірлік әрі АҚШ-тағы әріптестерімен бірлесе отырып жаңа жұмыс орындарын құрды».
«Экономикалық даму үшін ағылшын тілі» тобының іске қосылуы — C5+O.N.E. бастамасының Орталық Азиядағы өңірлік ынтымақтастық пен экономикалық өсу мүмкіндіктерін дамытуға деген адалдығын дәлелдейді.
